CINCIN (已結業)

唔少朋友都話呢間餐廳唔錯，今日同男朋友去咗，成個體驗都唔錯。因為個定價都有啲高，所以冇叫好多野食，淨係叫咗個優質意大利牛肉他他配巴馬臣芝士脆片同埋香烤澳洲羊柳伴墨西哥辣椒薯蓉, 慢煮小蕃茄, 香草燒汁。上菜嘅時候已經驚艷到，擺盤好靚。個牛肉他他好高質，啲肉好嫩配埋個芝士脆片另有一番風味，食物嘅質素對得住個價錢。跟住就係個羊柳啦，第一眼其實係覺得個羊肉會好生，有啲驚會唔好食，但係食第一啖嘅時候發現佢啲肉汁都鎖晒係入面，好嫩仲好juicy仲一啲都唔生。配埋個香草燒汁都好味，冇搶咗羊肉陣味，薯蓉就冇咩太大驚喜。不過羊肉呢個配搭做得好好。都幾推薦比啲要慶祝生日或紀念日嘅人來試下，因為價錢真係有少少貴，個牛肉他他$148、澳洲羊柳$298。各位朋友仔來之前要考慮下自己嘅經濟能力呀。