豊勝手丼 (已搬遷) 新店位置

通常女仔一齊，都會係諗起食日本野。之前已經嚟食過一次，見地點方便，又帶咗同事嚟呢度食lunch。店舖雖小，但睇得出裝修都花咗啲心思。另外，臨走前想去洗手間，先知道原來隔離鋪都係佢哋嘅。我哋叫咗廚師推介丼，海膽同中拖羅係我嘅大愛！超鮮甜，入口即溶。另外想大讚佢個沙律同蕃茄仔！廚師自製嘅粗，酸酸甜甜，好開胃。另外叫咗個二重鰻魚飯，個飯索曬啲鰻魚汁，甜甜地黏黏地，好惹味。我哋仲試咗個柚子梅酒同新出嘅蘋果酒，淡淡的酒味，似汽水，適合飲酒初哥。