龍皇酒家 (世貿中心) (已結業)

龍皇係我喜歡的午膳地方, 雖然唔平, 不過一分錢一分貨, 食物質素真係有保證。同事每次來必叫老火湯, 今日係粉葛鯪魚赤小豆湯, 真係老火湯, 會有好多料俾你, 絕對唔係味兒湯。正。幾多湯渣黑松露水晶餃, 餃皮係透明的, 幾晶瑩剔透, 連視覺都滿足埋。入面當然係又香又好咪的肉鬆。 香煎鮮蝦腐皮卷, 其他太好味, 令到呢個無特別。芋絲脆春卷, 雖然春卷係酒樓常菜, 呢間做到皮脆涵香軟, 仲加左芋絲令口味提升，好正啊!蠔皇叉燒包, 其他酒樓可能會搵頭頭尾尾的叉燒肉充數, 令到有時食叉燒包入面太肥或太瘦。不過佢真係用半肥瘦, 好香好好食。黑金流沙包, 好型啊, 請客真係無得輸。外國而家好興用竹炭做食材，有健康的作用。奶黃流沙。甜品叫左, 黑芝麻糖不甩, 個人覺得太甜了, 但朋友就食得津津有味。最後, 仲叫左杏仁露。入面仲有蛋白, 增加口感，可惜忘記影相。