浦和日本料理 (已結業)

過去常來浦和食放題，一黎自己同同事都近，二黎啲野有一定水準，唔會覺得放題就係食垃圾嘅感覺。自從轉左工後少左黎荃灣，今日舊同事約出黎敍舊，真係景物依舊，同記憶中分別不大，坐位比同區嘅放題店寛濶，乾淨無油煙味，最緊要夠冷氣。一坐低就攞野飲先，選擇唔多，都係汽水等。但有清酒，梅酒同啤酒任飲，好杯中物嘅真係正啦，唔使升級都有酒。刺身，點幾多黎幾多，無漏單，抵讚！新鮮厚切，肥美好正。壽司，飯唔會太大舊，一啖一件啱啱好。卷物，至愛美奶滋呀，好味～手卷，由頂到尾都有料，唔係得飯㗎。燒物，香口唔油又唔乾身，燒得啱啱好。焗蠔，個人覺得好好味，大size蠔加上大量蛋醬同沙律醬，入面仲有少少蟹籽，好鍾意個蛋汁呀～蟹籽沙律，清爽沒過量沙律醬。温泉蛋沙律，蛋嫩滑富蛋味。粒粒魚生沙律，好多魚生！胡麻豆腐沙律，胡麻醬超正！巴馬火腿沙律，升級版先有，巴馬火腿嘅鹹香同沙律勁夾，好味！鹽燒三文魚頭骨腩，肥美多肉，燒得香口又無過鹹，唔錯喎。牛油炒野菇，牛油味十足，正。金菇牛肉卷，調味唔錯又唔韌。清酒煮藍青口，煮蜆就多，青口較少見呢。一口和牛粒，肉嫩牛油脂充滿口腔，好味。揚物，唔油又無炸得太過份，好鍾意個炸野菜餅。天婦羅，同