影片
更多
2013-04-02
10 浏览
朋友介紹銅鑼灣新開一壽司料理，係食日式放題，我地就特登選黑夜時段10:00pm-12:30am，因為黑夜時段有優惠，4人去嘅話就1人免費，星期一至四每人原價$198，我地就約埋4個人去，只係等咗10分鐘就有位，咁食法抵好多，比埋加一平均每人$160左右，以日式放題嚟講一試無訪。食物類型都好多選擇，有刺身、壽司、爐端燒、揚物、天婦羅、茶碗蒸、鍋物及麵等等，而飲品就自助型式，有好大個汽水櫃，啤酒汽水任飲。壽司都係一壽司嘅水準，蟹棒壽司肉汁豐富，唔會好乾身，海鰻壽司大大塊的鰻魚，肥美甘香，配合濃濃嘅汁料，幾時都係最愛之一。兩款火炙壽司包括火炙黑椒吞拿魚及火炙左口魚邊，魚肉輕輕燒過更能帶出魚香，半生半熟嘅吞拿魚及左口魚，仍然食到魚嘅鮮味，口感更好，吞拿魚同黑椒味好夾，平時我對吞拿魚麻麻地，但配以黑椒及以火炙形式食，好食咗。另外都有食其他壽司，例如:辣汁吞拿魚卷、汁燒三文魚壽司等等。天婦羅中以海老天婦羅最出色，唔油膩，天婦羅蝦炸得香脆，個蝦又好味，而蕃薯天婦羅好甜好好食，但唔食得好多，太頂胃。揚物主力食咗吉列廣島蠔、吉列蟹鉗及七味雞翼，吉列炸得夠鬆脆，但蠔味唔夠，蟹鉗蟹肉少，粉太多，不過個七味雞
食物類型都好多選擇，有刺身、壽司、爐端燒、揚物、天婦羅、茶碗蒸、鍋物及麵等等，而飲品就自助型式，有好大個汽水櫃，啤酒汽水任飲。壽司都係一壽司嘅水準，蟹棒壽司肉汁豐富，唔會好乾身，海鰻壽司大大塊的鰻魚，肥美甘香，配合濃濃嘅汁料，幾時都係最愛之一。兩款火炙壽司包括火炙黑椒吞拿魚及火炙左口魚邊，魚肉輕輕燒過更能帶出魚香，半生半熟嘅吞拿魚及左口魚，仍然食到魚嘅鮮味，口感更好，吞拿魚同黑椒味好夾，平時我對吞拿魚麻麻地，但配以黑椒及以火炙形式食，好食咗。另外都有食其他壽司，例如:辣汁吞拿魚卷、汁燒三文魚壽司等等。
天婦羅中以海老天婦羅最出色，唔油膩，天婦羅蝦炸得香脆，個蝦又好味，而蕃薯天婦羅好甜好好食，但唔食得好多，太頂胃。揚物主力食咗吉列廣島蠔、吉列蟹鉗及七味雞翼，吉列炸得夠鬆脆，但蠔味唔夠，蟹鉗蟹肉少，粉太多，不過個七味雞翼就整得好味，雞翼肉質嫩滑，味道又惹味，喜愛雞翼者一定鍾意食。
監燒鯖魚都好大件吓，燒得香口但魚質唔會好乾身，燒雞軟骨同燒雞腎就略為淡味，再多少少鹽味會好d，但鹽燒牛舌真係好出色，牛舌燒得香但唔韌，仍然淋身，又係唔會燒到乾晒，食完即刻再叫多串。沙律方面，三文魚特色沙律及豆腐沙律都好食，個沙律汁做得特別好，而三文魚及蔬菜都好新鮮。秘製汁金菇牛肉個汁又真係幾好味，牛肉整得好好食，有咬口得嚟唔會老唔會韌，金菇吸晒d汁特別好食，蒜香三文魚骨腩佐酒一流，惹味又香脆，又係會食唔停口，而牛油燒玉子法蓮草即係好似菠菜炒蛋咁，雖然簡單，但蛋炒得唔老，法蓮草炒過又好食，一款輕盈嘅小食。
刺身好吸引，樣靚食材真係好新鮮，最好食係油甘魚同甜蝦，肉質彈牙，味道鮮美，但刺身食得多會溜，不過見到咁新鮮又會忍唔住食。韓風辛味三文魚頭鍋唔係太辣，唔會搶咗三文魚嘅味道，但難得係三文魚頭又煮我夠滑，我就喜歡呢d咁惹味嘅鍋物。真係食咗好多野，最後只能食咗杯朱古力軟雪糕，而乳酪食唔落了，留返下次再食啦！
张贴
