瀛喜日本料理 (已結業)

鄰近荃灣地鐵站的灜喜，出站行5分鐘就到，好快就到達，上到去發覺都幾旺場，等左一陣就有位，我地一坐低即刻睇下有咩食，都有好多選擇。勁多點野食架ORDER紙首先叫左刺身，三文魚夠肥美，馬刀魚夠爽口，甜蝦都好味，夠鮮甜，其他刺身都唔錯。跟住有燒菠蘿和日本紫薯，菠蘿嫌燒得唔夠熱。但紫薯好Q好煙un,口感好正好粉，細細粒不知覺食左好多, 叫完晚上好彩沒有排氣。煮蜆好spicy但好惹味，有點四川風味，送酒一流。提一提酒水不用加錢也是任飲!串燒不過不失，可以一試, 腸仔甜甜地的台灣腸, 又有黑椒腸。炸物叫左忌廉薯餅，朱古力棒棒波和紫芧粟子餅，忌廉薯餅炸得外脆內軟，朱古力波波成支POPCAKE,內面包住流心朱古力，好得意，紫粟餅煙煙unun,好口感，我認為炸物真係唔錯，炸得香脆。叫左條鮪魚, 好長又多肉!天婦羅有點油膩，但個蝦幾好味。仲有蕃薯同南瓜天婦羅, 香口野真係食多都唔厭。壽司細細件一口過，可以食多幾件唔同口味，而且好鮮美，食多啲都唔覺濟。睇返個價錢牌，某啲時段會有優惠，計返只係百零蚊一位，食個大家樂都六七十蚊，而家比多幾十就可以食到放題，質素仲唔錯，下次都帶埋我成家黎食先。