悠 定食屋 (已結業)

今日比我同朋友發現咗一間幾特別嘅日本料理餐廳，雖然呢度原來冇壽司食，但係所有嘅日本料理都整得非常出色！望一望個餐牌真係花多眼亂，諗得出嘅日本食物幾乎都係呢度食得到。橫掂天氣有啲凍，於是同朋友叫咗個至尊牛肉鍋，裏面配左豚骨湯半份烏冬定食，另外就叫咗啲小食包括就係燒完條茄子同埋五目魚餅。至尊牛肉鍋無明火襯托，但係都夠晒熱辣辣，配料可真多，裏面有好多牛肉同埋一啲火鍋配料，食到你夠晒飽。五目魚餅夠厚，煎得金香，食落去好彈牙，另外燒茄子真係好大條，上面放左啲木魚，味道偏淡夠，清清地，幾好。呢度啲餸加錢可以變做套餐，有麵豉湯飲，心頭都暖了。