億饍 (已結業)

呢到裝修行簡約路線，但出面又有個靚露台，欣賞旺角嘅夜景同時享受人間美食。店如其名，呢到提供多國菜，中越泰菜較為重點。椰子烏雞排骨燉湯真材實料嘅中湯。入面烏雞同排骨已經煲得好淋，佢哋嘅精華已經滲入湯水入面，湯簡直係清同甜，由於我唔鐘意濃湯，所以呢碗湯好啱我口味。而且湯渣嘅份量都夠食飽你，可見用料絕不馬虎。泰式鮮炸蝦餅炸到好香脆，充滿蝦味，份量夠大。馬拉盞炒通心菜通菜夠哂爽口，可見其新鮮。用馬拉盞炒好惹味，食落辣辣地，胃口大開。芒果炒飯芒果鮮甜，飯都炒得夠金黃，而且用料豐富。但略嫌鑊氣唔夠。。燒豬頸肉外皮脆脆地又不失爽口，而且唔會有腥味同雪藏味。一定要點埋泰式辣醬先最好食。呢間餐廳性價比幾好，份量大又好食，而且重有室外內坐俾大家揀，值得一試。