荳子 (海壩街) (已結業)

我住荃灣，成日見呢間野排晒長龍，今日放工終於的起心肝同女友6點幾排隊，打算試吓呢間咁多人排隊既食店係咩料。排呀排，排到8點鐘，終於有得食。個坐既環境不錯，我地坐近窗邊既位置。兩個人叫左一個卡邦尼意粉，同一個「豪華all day breakfast」，同兩部野飲。個意粉無咩特別，唔難食，但同一水準周街都係，亦唔值咁貴，所以無影相。個All day breakfast 亦都相當普通，係果兩個圈圈咁既包幾好食。兩杯野飲幾好飲、值得一讚，賣相亦相當吸引。不過呢間野唔算平，野食亦唔見得特別好食（不過絕對唔係難食），等又等得耐，位又少又逼，所以我個人就一定唔會再幫襯。