Doux (已結業)

最近睇雜誌見到有介紹話餐廳，咁啱又係旺角同朋友食完晏，於是提議到這餐廳黎個Teatime.嗰陣一出口，周圍冇咩燈光，仲以為未開門，我地打算走時，有個侍應出黎，問我地有冇訂枱，我地話冇，於是佢同另一個同事商量一陣黎就安排了座位俾我地，但環顧四周，餐廳沒有特別裝修，都只有3枱客人，尚有大量位置，可能其他人訂了枱未黎掛。由於我們已食飽，所以諗住叫兩三樣甜品share，但落單後侍應說最少每人一杯飲品，雖然餐牌寫最低消費50蚊，後來佢話最低消費每人一杯飲品寫在餐牌另一面，吹漲。叫咗嘢食又唔好意思走，於是最後叫咗兩款甜品同兩杯飲品。Snow white外觀唔錯，椰子味雪芭幾好食，不過另一件木瓜味雪糕味道怪怪的，可能我地唔識欣賞啦，到最後最剩下大半件。芝士拼盤，朱古力底脆，不過同上面咁多走芝士味道唔夾，價錢貴但同味道不成正比。凍mocha，不過不失。總括來說，食物價錢貴，但與味道，服務及環境不成正比。