影片
更多
2022-09-23
533 浏览
📌 好好川味 - 新蒲崗大有街34號新科技廣場地下12號舖🗓(23/9) 星期五 ⏰ 晚上7點左右 💈特式：今日同同事去開新蒲崗，見已經到左晚飯時間又咁啱想食辣野，見到間平平無奇嘅川菜舖頭就諗住試試佢。🥩🍔🌭🌮🥗🥯🥘🍲🍝🍣🥟🍤🍱食物：佢每個小菜套餐都只係$6~70，仲有埋湯/飯/飲品，晚餐嚟講真係平民價錢，但話晒都係川菜，所以口味好緊要，等我同大家講下味道先......川味辣子雞🌶🐥 - 呢個份量只係$68，我真係無野好講，佢仲要做得唔錯，夠香/麻/辣，雞又有返咁上下大粒，唔會碎濕濕，仲要有炸過，好香口。泡椒爆炒腰花 - 處理豬腰需要好多功夫，所以一般都係出街食，呢碟腰花勁多豬腰 ，亦都處理得唔錯，無噏味，仲要只係收$78。干鍋菜花 - 呢個抵食，只係$60，即係用干鍋手法整嘅椰菜花豬腩肉，份量大埋頭，味道都係唔錯，不過就有少少油膩。☕️🍵🥤🧋🍺🍷🥃🍹🧉🍾🍶🥛飲品 - 呢度包個杯飲品可以揀普通咖啡/奶茶/檸茶/檸水，質數就係普通茶餐廳水準。🍽環境：餐廳門面無乜裝修，入面裝修亦都係普普通通茶餐廳咁樣，衛生程度正常，但勝左人少少，唔會好迫或好嘈。🤵🏻🤵🏻♀️🤵🏻♂️服務：職員態度幾
🗓(23/9) 星期五 ⏰ 晚上7點左右
💈特式：今日同同事去開新蒲崗，見已經到左晚飯時間又咁啱想食辣野，見到間平平無奇嘅川菜舖頭就諗住試試佢。
🥩🍔🌭🌮🥗🥯🥘🍲🍝🍣🥟🍤🍱
食物：佢每個小菜套餐都只係$6~70，仲有埋湯/飯/飲品，晚餐嚟講真係平民價錢，但話晒都係川菜，所以口味好緊要，等我同大家講下味道先......
川味辣子雞🌶🐥 - 呢個份量只係$68，我真係無野好講，佢仲要做得唔錯，夠香/麻/辣，雞又有返咁上下大粒，唔會碎濕濕，仲要有炸過，好香口。
泡椒爆炒腰花 - 處理豬腰需要好多功夫，所以一般都係出街食，呢碟腰花勁多豬腰 ，亦都處理得唔錯，無噏味，仲要只係收$78。
干鍋菜花 - 呢個抵食，只係$60，即係用干鍋手法整嘅椰菜花豬腩肉，份量大埋頭，味道都係唔錯，不過就有少少油膩。
☕️🍵🥤🧋🍺🍷🥃🍹🧉🍾🍶🥛
飲品 - 呢度包個杯飲品可以揀普通咖啡/奶茶/檸茶/檸水，質數就係普通茶餐廳水準。
🍽環境：餐廳門面無乜裝修，入面裝修亦都係普普通通茶餐廳咁樣，衛生程度正常，但勝左人少少，唔會好迫或好嘈。
🤵🏻🤵🏻♀️🤵🏻♂️服務：職員態度幾好，會介紹下餐廳有咩特式野之類，另外會關心客人食唔食到好辣或者好麻，話可以因應客人需要盡量迎合口味。
💰💸價錢：叫左呢幾個咁大份嘅小菜加埋飯同餐飲，都只係$200左右，佢d份量絕對夠3~4個成年人食，價錢確係好大眾化。
🐲💬總結：雖然佢d出品未至於好出色，但呢個價錢食到咁嘅份量川菜都真係少有。
推薦指數：❤️❤️❤️❤️🤍
川味辣子雞
$68
7 浏览
0 赞好
0 留言
干鍋菜花
$60
8 浏览
0 赞好
0 留言
泡椒爆炒腰花
$78
12 浏览
0 赞好
0 留言
张贴
