良辰吉時 (已結業)

今日黎到荃灣 行行下見到間之前新開張勁長龍既台式飲品店 今日經過見無乜人 於是決定同friend一試！啵爆黑糖厚鮮奶無得揀甜度同冰量 拎上手杯底仲熱既 黑糖味夠 帶少少焦味 甜度尚可接受 鮮奶唔算好濃厚 珍珠量多 都算煙un但唔夠入味 同埋竟然有一大舊珍珠解唔開🙄痴到實一實 食都食唔到！ 宇治抹茶玉露鮮奶同樣地無得揀甜度同冰量 飲落去竟然仲甜過杯黑糖鮮奶！而且抹茶味欠奉 奶亦唔濃郁 似杯甜奶水多過抹茶😓珍珠方面又凍又硬 唔多掂過江龍飲品店要做得起唔容易 因為香港愈開愈多間 競爭好大！呢間店價錢又貴 份量亦唔算多 質素又一般 需要好好改善