唐宮小聚 (新港中心)

营业中

休息中

今晚同朋友食生日飯，佢建議去食呢間。但我因為遲到，去到嘅時候啲朋友已經坐低左，佢哋其實已經警告我話我坐嗰個位好大風，對住我個頭吹，冇幾耐我地見後面張枱吉左，想要求轉枱，個侍應原先都話冇問題，但就話可能迫少少，我話冇問題，點知佢跟住就話：吓！你地叫左野食喎，轉枱會好麻煩，就叫我地唔好轉，仲話你地朋友對你咁好既，留返個大風位俾你坐，自己就坐曬裡面。之後又問我要唔要叫反支椰青水飲吓，因為可以下火！我當然一輪嘴話佢啦，但佢仲要繼續話：唔係，係因為椰青水做緊特價所以建議你叫一支飲可以下火呀嘛！😡😡😡😡另外佢啲份量好細食咗等於冇食一啲都唔飽但係已經好貴！所以千祈唔好去😤😤😤😤