校長燒肉日韓料理 (沙咀道) (已結業)

今日去開荃灣就順便係度食埋晚餐，作為食肉獸嘅我一定係搵放題食啦！一打開個Google Maps就搵到呢間校長燒肉放題，二話不說即刻入去攞位。 一上到去已經見到個好多選擇既花茶區，真係講得出嘅都有👍🏻 更有刺身區、沙律區、肉類、炸物、甜品、飲品區 肉有好多選擇，就算係豬牛雞都有好多唔同嘅部位同醃製方法。一定要試金沙骨，醃得入味又林身，第二推介咖喱雞扒！唔好睇佢好似乾爭爭，燒完之後少少Juicy仲好有咖喱香，雞肉仲好嫩滑😍之後推介係豬頸肉，油花豐腴又肉香，可以去調味料區攞特製燒烤醬，會令到豬肉特別好食 刺身方面，三文魚真是意外地高質素👍🏻肥美又厚切，俾酒店那些更高質素💯 飲品包羅萬有，無糖茶最岩我，選擇多達十多款，更有梅酒、清酒、啤酒選擇，性價比真是超高！