炙燒 @ Romanne Leisure Food Concept (荔枝角道)

第一次同野豬🐗生去食韓燒～點咗二人餐（炙燒混肉九宮格$298）有9格燒物外，仲有一盆沙律、2碗珍珠米飯，結果係飽到食唔哂！估唔到可以咁豐富~

1

炙燒混肉九宮格

.

肉類中，「安格斯牛腹肉」肉質好淋，而且以香草調味，唔似一般連鎖店咁黎黎去去都係蒜蓉汁/燒汁醃肉，係高質得黎有特色嘅！
另外「孜然辣椒羊羔肉」調味都唔錯，無哂羶味，推介～

.

最有特色嘅一定係兩款DIY漢堡！
安格斯漢堡厚厚的燒，肉汁超～多～非常Juicy。
脆雞骨漢堡好罕見，整個肉質較嫩、軟身，又會咬到有粒粒脆骨～口感同調味都好有驚喜的。
.

肉類可用喜馬拉雅山岩鹽/ 粗粒黑胡椒 自行調味😆肉質夠鮮簡單調味就夠好味😋
.

小女子

當日店員仲送咗一碟「小女子」俾我哋試吓，係日式魚仔～好好人呢
小店有唔少植物裝飾，環境都好乾淨同闊落，比一般韓燒我哋都比較鐘意呢間小店