一龍拉麵 (已結業)

呢間拉麵店環境好特別， 一眼睇曬，就係一張吧枱大約有12個位，客人圍住個廚房，望住廚師整拉麵咁。 menu亦都好簡潔，得四主菜: 鰻魚，海蝦，餃子，叉燒。湯底: 龍蝦湯or豬骨湯。 香煎鰻魚拉麵配特製龍蝦湯低$88龍蝦湯底非常濃郁，但飲多幾啖會開始覺得膩，所以個人比較鍾意豬骨湯，清清地，味道調得非常好味， 私心推薦。 麵質係偏淋， 掛湯能力都ok。 鰻魚肥美唔錯。海蝦拉麵配特製龍蝦湯低$88有4大隻蝦，分別用牛油煎香過，惹味，juicy，肉質有彈性，師傅仲整走埋蝦殼，方便食，啱曬我呢啲懶人。另加燒叉燒 $14肥美的叉燒， 肥瘦適中，見到師傅用火槍燒到 叉燒表面微微焦燶， 逼出油脂，入口有豐富既油香味，相當好食，必叫。餃子$22煎得很香脆，裏面仲保留少少肉汁。玉子燒$25有蛋香，味道味甜甜的， Juicy。