漁釧 (已結業)

我最鍾意食日本料理，漁釧係主打食日本高級料理，但價錢卻很親民。今日安排我哋坐bar枱，可以一邊細味即叫即製美食，一邊欣賞廚師👨‍🍳精湛手藝。串燒款式好多，即叫即燒，我哋叫咗5款：牛舌串、雞腎、冬菇、黑豚腩、雞軟骨，師傅火候拿捏出色，串燒香而不乾👍👍，一定要襯熱食。最難忘係燒牛舌入口軟腍味香，黑豚腩就肉香而不膩。燒雞泡魚乾拈上沙律醬食，非常惹味，送酒一流！壽司有三文魚🍣、火炙平目魚邊、元貝，食材極之新鮮，香甜無比。香芒大蝦卷🦐賣相好有氣勢，飯卷包住大大隻炸蝦，鬆脆可口，夾埋芒果一齊食就可以中和油膩感，一口一件，超滿足。