極尚大喜屋 (加連威老道) (已結業)

前兩日同朋友試完隔離街果間放題，今次就同舊同事離試下呢間極尚。前一日先book位，好彩有位。一去到，餐廳環境都唔錯，不過略嫌位置比較窄。一坐低，梗係叫野食啦。食物上台速度都幾快，刺身當然最先到啦，擺盤好靚，好中意個盤阿，帶子同蝦都好鮮甜阿，拖羅就一般啦，油份唔算多。三文魚都ok，不過好似有d瘦。叫左小小炸野食，因為呢幾日真係食得太多熱氣野啦。唔想再食太多。個春卷唔錯，其他就麻麻地啦。呢個元貝幾好食，入面d配料都幾多，足料，我地都有encore。呢個大蜆味道都唔錯，d蜆夠大，又唔算太辣，唔食得辣噶同事都接受到。舊同事叫左幾舊壽司，其實未試過係放題度食壽司，因為覺得唔抵，但好彩呢幾舊壽司都細細舊，所以感覺還好。質素仲唔錯添，值得一試。呢個鰻魚真係正，個汁好好味阿。我覺得比出面有d連鎖餐廳噶鰻魚飯仲好食阿。大愛。呢個帶子就麻麻地啦，鞋左d，味道都一般。睇樣以為好惹味，其實唔係。呢度都有馬卡龍食，當然摞多幾個啦，不過呢間噶無上次果間甘好食，無甘鬆化，又太甜。呢間噶服務都唔錯，無漏單噶情況出現，收碟都好主動，員工都好有禮貌。