一鳴燒 (已結業)

放假難得約左三五知己， 平日大家都工作繁忙，好想悠悠閒閒坐低食下野傾下偈。 最後揀咗位於銅鑼灣一鳴燒 。一出𨋢已經見到大大個一鳴燒嘅招牌, 門口用左日系嘅橫額佈置，好有居酒屋feel。 餐廳嘅内部設計更見心思：窗台景觀開揚， 配合清新嘅植物擺設。牆上亦掛有幾部單車， 增添家嘅感覺。一鳴燒菜單嘅選擇多， 當中唔少係具創意既特色小食，都非常吸引。可惜最近天氣翳焗又悶熱， 大家都胃口缺缺。 但試完田螺後， 個個都讚不絕口兼胃口大開。 田螺肥厚鮮美， 味道恰到好處,食完齒頰留香， 實在係消暑精選。一鳴燒對食物既擺設亦十分用心,帶子好大舊， 感覺都幾抵食。 帶子鮮甜有回甘， 值得推薦。半熟牛肉烏冬係一鳴燒其中一款最多人點既食物,烏冬口感軟滑， 出奇地和牛肉十分配合， 味道唔錯。另外飲左啤酒,本來加$188可以任飲,不過得我一個人飲啤酒就太多啦一鳴燒食物無論在擺設和質素方面絕對用心， 價錢算中價合理。環境休閒舒適，店員親切殷勤的招呼， 十分適合與朋友共聚談歡。 在繁忙的市中心裹， 有如此家的感覺嘅食堂，絕對難得。