喜棧

今日有事要入大埔，於是就喺大埔火車站附近開餐， 由於食飯時間好多人，我地又趕時間， 見到呢間舖頭唔需要等位，就入去食啦！

喜棧主要食面， 粥， 都有少許飯嘅選擇！

我揀咗一個蝦子料鮮雲吞牛筋腩撈麵 ，58元。 撈麵較湯麵貴 ，但見到檯面張紙上面嘅牛筋撈麵個樣幾吸引，所以都揀咗撈麵！

撈麵麵條極幼，而且食落完全冇鹼水味 ，不錯 ！而個湯唔會話好重味精，食完都唔覺得好口渴 ！至於雲吞方面 ， 真材實料 ！雲吞內包住蝦，啖啖肉！ 至於主角牛腩，反而唔係太出色 ，冇咩特別！牛腩有啲 硬， 而且肥膏偏多， 可以食嘅部分其實好少！

另外仲叫咗個鹵肉飯， 調味適中 ，而鹵肉份量夠撈哂成碗飯！