回味食館

营业中

休息中

今日收工收晏咗，同两个同事喺公司附近食埋晚饭先再返屋企，三个人叫左三个𩠌、一个白饭、一支啤酒，埋单 $203 其实都几抵食咖。鱼香茄子算系好大兜又足料，油系多咗少少，但系佢真系好香，姊姊拎住埋黎果阵已经闻到味，食落唔太咸，用黎送饭一流。金银蛋菜苗，佢有好多种菜可以拣，不过同事 A 指定食油麦菜，好好食、清清地唔错啊!菠萝生炒骨，呢个有少少失望，因为佢个汁太呛喉，酸得滞。而且个肉偏un口感唔系咁好。同埋可能佢炸得唔系好够，粉唔算系厚但系就唔脆口。我哋见好多人都会叫鸡煲食，下次可能会试吓，食完再同大家报告。