影片
更多
2007-06-03
9 浏览
早前看過這裡的食評幾好，昨晚便約了兩個親戚，一起來試試。我們叫了味菜蕃茄花膠豬肚鍋、游水八瓜魚、金菇豬頸肉卷、豬潤和豬粉腸、山根、九菜花、粟米魚片頭、鮮墨魚滑、九孔鮑、陳皮白鱔卷、東風螺和蜆肉魚旦。味菜蕃茄花膠豬肚鍋- 味菜、花膠和豬肚就好多，蕃茄就唔夠多，可以說湯底完全沒有蕃茄味，花膠煮得好淋又入味，材料新鮮，親戚也很喜歡這個湯底，如蕃茄可以再落多一點，相信會更合我心意。游水八瓜魚- 很新鮮又爽脆，但我們大家都唔敢當刺身食，還是落鍋淥一淥，放心一點。味道鮮甜，又有口感，但要小心，最好係涮一涮便食，如不是變韌了，就太可惜了。金菇豬頸肉卷- 很少見會有這樣的弄法(多數係只有牛肉)，幾特別，豬肉還食得出肉味，應該都算幾新鮮。豬潤和豬粉腸- 洗得都算乾淨，沒有什麼怪味，味道也很出色，但始終太高，只敢食了很少量。山根- 親戚喜歡比較淥得硬身一點，我們就喜歡淋一點，各有所需。九菜花- 來到時，已經看得出幾新鮮和唔會好，淥完後和想象中一樣，非常新鮮又爽口又好食。一碟真係好像唔多夠喉！粟米魚片頭- 看見食評說幾好食，當然要一試啦，魚片炸得幾香口又彈牙，還帶有陣陣的粟米味，作為飯前小食或飲酒用，應該都
我們叫了味菜蕃茄花膠豬肚鍋、游水八瓜魚、金菇豬頸肉卷、豬潤和豬粉腸、山根、九菜花、粟米魚片頭、鮮墨魚滑、九孔鮑、陳皮白鱔卷、東風螺和蜆肉魚旦。
味菜蕃茄花膠豬肚鍋- 味菜、花膠和豬肚就好多，蕃茄就唔夠多，可以說湯底完全沒有蕃茄味，花膠煮得好淋又入味，材料新鮮，親戚也很喜歡這個湯底，如蕃茄可以再落多一點，相信會更合我心意。
游水八瓜魚- 很新鮮又爽脆，但我們大家都唔敢當刺身食，還是落鍋淥一淥，放心一點。味道鮮甜，又有口感，但要小心，最好係涮一涮便食，如不是變韌了，就太可惜了。
金菇豬頸肉卷- 很少見會有這樣的弄法(多數係只有牛肉)，幾特別，豬肉還食得出肉味，應該都算幾新鮮。
豬潤和豬粉腸- 洗得都算乾淨，沒有什麼怪味，味道也很出色，但始終[膽固醇]太高，只敢食了很少量。
山根- 親戚喜歡比較淥得硬身一點，我們就喜歡淋一點，各有所需。
九菜花- 來到時，已經看得出幾新鮮和唔會好[老]，淥完後和想象中一樣，非常新鮮又爽口又好食。一碟真係好像唔多夠喉！
粟米魚片頭- 看見食評說幾好食，當然要一試啦，魚片炸得幾香口又彈牙，還帶有陣陣的粟米味，作為飯前小食或飲酒用，應該都幾好。
鮮墨魚滑- 雖然很彈牙又爽口，應該已經撻夠身，但墨魚的鮮味就唔夠濃，可能係墨魚的材料唔夠靚掛。
九孔鮑- 比較失望的一碟，雖然洗得好乾淨，而且看得出也幾新鮮，可惜只有爽口而完全沒有鮮味，還要七拾幾元一碟(只得七隻)，唔多值得。
陳皮白鱔卷- 幾特別，白鱔加上陳皮味，食落的感覺都幾好，可惜白鱔唔夠肥美，但以這樣的價錢，還想怎樣。
東風螺- 細細粒，好新鮮，但始終係海產類，還是淥久一點安心點。
蜆肉魚旦- 比較失色的一味，完全食唔出蜆肉味，魚旦又雪得太久，又硬又無味。
親戚特別買了一支[日本蔴醬]來食，真係食落特別好食；可惜我們倆個唔食牛肉，如用這蔴醬來食牛肉，相信一定會更加出色。今次真係難為了你們，要部我們無得食。
想不到親戚也是一個很懂得食的人，看來都可以約他們多一點出來食，交換一飲食的心得。
這裡地方比較細和擠迫，好在還算乾淨和冷氣都算夠，侍應姐姐的服務態度都幾好，因人多要我們搬位，還自動送多一支啤酒給我們，都算係咁啦！(但啤酒價錢就好像貴了一點。)
食物選擇唔夠多，而且海鮮類非常少，有點唔多夠喉的感覺。
张贴
