HeSheEat (白布街) (已結業)

因为见到网上好评如潮，好奇心嘅驱使下，就带埋屋企人黎食好野🥳一入到去见到门面细细，原来可以上楼梯去上一层，座位之间都宽敞，坐得舒适既，而且估唔到都几多人食㖞！食西餐当然唔少得饮返碗餐汤啦！是日餐汤系番茄汤，味道偏酸，质地浓厚，蔬菜切成粒状，钟意酸味既人会好钟意！而蒜蓉包好香脆，好香浓嘅蒜蓉味，呢个相当不错🥳巴马臣芝士香草牛油烧粟米总共有4片粟米，适合二人分享。卖相精致吸引，不过闻落去唔够香。粟米本身几甜，配上香草牛油，味道层次更丰富。芝士牛油汁蛋面配香煎龙虾尾面条质感比较粗糙同干身，食落有淡淡蛋香。芝士牛油汁份量丰厚，足够令每条面条都挂满酱汁，虽然香口但腻感较重。龙虾尾够新鲜，经香煎更添惹味。HeSheEat Bruch份量非常惊人，女仔食既话最好两个人Share！内容有炒BB菠菜，大磨菇，牛油果蓉，牛角包，蕃茄，煎蛋，薯仔沙律，意大利烟腩肉同德国鲜肉肠。当中薯仔沙律最正，酸酸地加薯仔粒好开胃，而意大利烟腩肉好香口惹味，而德国鲜肉肠配蕃茄汁会几好食，但如果先煎下佢口感会更好。