緣味小聚 (93WYS) (已改名) 查看

今日心血來潮想食蟹同海鮮之類嘅嘢，同朋友觀塘行街嗰陣見到呢間海鮮蒸氣鍋，望下個餐牌見到係食180分鐘，飲品，小食同點心等等都係任食，最重要係有個海鮮盛盤，即刻心心眼咗決定要入去食。同埋餐廳位置喺偉業街果邊，喺牛頭角站B6出口行大概10分鐘左右就到達。入到去餐廳，座位舒適，唔會話迫！佢個海鮮盛盤都有好幾款海鮮，有海蝦，龍蝦，大肉蟹同韓國大鮑魚，鮑魚夠曬新鮮，非常彈牙，肉蟹唔洗講超多蟹膏又鮮甜，成件事真係抵晒！就連西班牙黑毛豬, 安格斯牛肩胛, 澳洲M5和牛都係無限任食，超高CP值！