影片
更多
2015-12-24
715 浏览
幾年以來，幫襯左呢間野都不下三十次，原因係佢收得夜，但每次都唔會食得太多，都認同其他人講嘅灣仔貨(其實係深水埗貨)中環價。我多數都會食下魚蛋粉、多士、飲品，而男朋友次次都會食牛腩麵，佢話都係志在食個湯底，講真，d牛腩係唔掂，鞋口的。咁我食開d公仔麵呀，多士呀其實都係普普通通(呢d屋企都整到嘅野都唔會差得去邊)。只係我覺得價錢方面都實在有d貴....三十幾蚊一碗一餸公仔麵，仲要無餐，加凍飲要$21一杯，睇返5年前都仲係15蚊，我明白物價係貴左，但以一杯飲品黎計，21蚊喺一間坐得唔舒適嘅粉麵檔黎講都實在太貴，而且加幅太大。而呢間餐廳嘅待客態度認真差，我唔expect五星級服務，但都唔會接受到一間餐廳連小小彈性都無。當時係平日中午２點正，我陪我男朋友去食lunch，佢叫左個坑腩魚蛋米，一杯凍奶茶，之後個侍應問我叫乜野，因為我其實已經食左lunch又好飽，睇下個餐牌最平就叫多士食，但我食飽午飯都食唔落包啦，一杯熱飲都成廿蚊咁滯，所以我話諗諗先。咁我見間餐廳都得7-8個人左右，一半都唔滿，所以無特別深究我嗰15分鐘內到底叫咩野食好。我望下張單，原來都已經食左76蚊 (55蚊麵+21蚊飲野)，唔夠
而呢間餐廳嘅待客態度認真差，我唔expect五星級服務，但都唔會接受到一間餐廳連小小彈性都無。當時係平日中午２點正，我陪我男朋友去食lunch，佢叫左個坑腩魚蛋米，一杯凍奶茶，之後個侍應問我叫乜野，因為我其實已經食左lunch又好飽，睇下個餐牌最平就叫多士食，但我食飽午飯都食唔落包啦，一杯熱飲都成廿蚊咁滯，所以我話諗諗先。咁我見間餐廳都得7-8個人左右，一半都唔滿，所以無特別深究我嗰15分鐘內到底叫咩野食好。我望下張單，原來都已經食左76蚊 (55蚊麵+21蚊飲野)，唔夠2分鐘個侍應又俾個老闆娘篤左佢過黎周我地，佢再一次問：「你真係唔叫野呀？(指一指) 每位最低消費34蚊呀!（午飯時間12:00-2:30）」結果我男朋友費事佢地喺到嘈，叫左我出去行一陣算。
但喺我行緊嘅時候，我越行覺得越唔憤氣，做服務行業邊有咁樣架？首先，佢當時只有7、8個客，入座率2-3成；第二，佢設定最低消費，都係想喺午飯時段，最低限度都收取到每人34蚊嘅收入，咁我地都食左76蚊，多過佢「法定」消費額68蚊啦，咁仲想點？間舖頭細細，收翠華價錢，無翠華環境，俾張圓摺凳你坐，你覺得我仲點會同你坐得耐呀，而且我唔會咁樣俾你賺得咁唔合理囉。錢就賺到盡，完全無彈性可言。唔怪得見到有comment話佢連攞多一張cheap cheap紙巾佢都唔想俾你。
去到埋單嗰時，個老闆娘話佢地個規定係咁，話最多下次你地分單囉！(不屑嘅態度) 不嬲一齊食野都係一張單架啦，關咩事？就算十個人食野，你都係怕麻煩計個總數夠340咪算囉，唔通真係逐個人同佢計邊個有食，邊個痴食，邊個無食咁咩？你Ｄ熟客係的士佬都唔應該用咁嘅態度對中午嘅白領客囉！
张贴