華姐清湯腩

营业中

休息中

餐廳位於天后一條食街上，位置近地鐵站幾方便，好當眼位。餐廳環境不大，通常都要等位，出面總會有條人龍仔。大約等10-15分鐘先有得入座。今次試左聽講係必食嘅清湯牛三寶粉（HKD68）一碗有齊牛筋腩、牛肚，份量合理，河粉嫩滑得黎幾有彈性，牛腩肥瘦適中，既無肥膏又無渣，肉質爽口，肉味又香濃；牛筋軟硬適中，腍得黎又不失口感；而牛肚就爽滑；清湯底但又有甜甜地肉香味，不錯。不過呢個價錢，佢的確要做好個水準嘅，否則好難叫人再食。但講真，即使係幾好食，但68蚊我應該都唔會再食下次喇。