影片
更多
2014-04-18
1795 浏览
早前同朋友去K11 shopping後, 由於行到好攰, 就去咗附近既棉登徑食tea, 呢條街既酒吧林立, 感覺有d 似中環既歌賦街, 同朋友看過過幾間餐廳, 最終決定到 Dabyida Restaurant and Bar 食佢哋推出既意式復活節Tea Set 由於嗰日既客人唔多, 所以好快就坐低, Dabyida既環境唔錯, 好寧靜, 充滿著歐陸風情, 而餐廳主打意大利菜, 7成既食材都係外國進口, 食物即叫即做, 稱得上是絶對的新鮮~我同朋友點咗2人tea set 後, 服務員已經好快手咁問我哋飲乜, 仲推介我哋飲凍咖啡, 話呢喥既咖啡味道好濃郁, 但我擔心味道濃郁會好苦, 所以服務員專登送咗兩小瓶牛奶同糖水俾我哋, 好細心呀~4月份供應既復活節Tea Set, 包括了12 款的鹹甜點, 當中更有名貴既鵝肝、魚子、黑松露, 2位只需HK$268, 非常超值tea set 係即叫即做, 所以上菜既時間較耐, 不過都無咩所謂, 反正同朋友傾下計, 時間好快就過~當食物送上嚟時, 真係有d驚喜, 因為一碟子都放滿咗鹹/甜小食, 而且每款食物都好靚, 睇起嚟仲好似好好美咁~鮮雜果配紅酒汁
由於嗰日既客人唔多, 所以好快就坐低, Dabyida既環境唔錯, 好寧靜, 充滿著歐陸風情, 而餐廳主打意大利菜, 7成既食材都係外國進口, 食物即叫即做, 稱得上是絶對的新鮮~
我同朋友點咗2人tea set 後, 服務員已經好快手咁問我哋飲乜, 仲推介我哋飲凍咖啡, 話呢喥既咖啡味道好濃郁, 但我擔心味道濃郁會好苦, 所以服務員專登送咗兩小瓶牛奶同糖水俾我哋, 好細心呀~
4月份供應既復活節Tea Set, 包括了12 款的鹹甜點, 當中更有名貴既鵝肝、魚子、黑松露, 2位只需HK$268, 非常超值
tea set 係即叫即做, 所以上菜既時間較耐, 不過都無咩所謂, 反正同朋友傾下計, 時間好快就過~當食物送上嚟時, 真係有d驚喜, 因為一碟子都放滿咗鹹/甜小食, 而且每款食物都好靚, 睇起嚟仲好似好好美咁~
鮮雜果配紅酒汁 - 小鎖匙內放滿咗新鮮水果, 包括士多啤梨、藍莓及青蘋果片, 士多啤梨、藍莓味道好清甜, 但吃到青蘋果片時, 味道就有d酸, 係呢個時候將青蘋果片浸透紅酒汁內, 味道就會慢慢甜起嚟, 酸酸甜甜好醒胃水蜜桃迷你班戟 - 味道甜美既水蜜桃份量唔少, 果肉微爽, 好有質感, 不過水蜜桃既水份較高, 令班戟吸收過多水份, 變得軟淋, 不夠QQ~
煙三文魚撻 - 三文魚大大塊, 味道唔會好鹹, 入面加入D蔬菜粒, 令口感變得清新~ 外層酥皮脆卜卜, 食既時候發出沙沙既聲音, 香脆鬆化~
自家鵝肝醬 - 由Dabyida自家製, 入面加咗砵酒及煙肉, 將羶味完全遮蓋, 而鵝肝醬質感細滑, 食完口入面仲有好重既after taste 味道
意式香草蕃茄配水餅 - 上層係新鮮蕃茄, 味道幾清甜, 有D香草味道, 配合水餅一齊食, 一軟一脆口感好特別, 係一款健康小食~海蝦他他配黑魚籽醬 - 一向好鍾意食黑魚籽醬, 放入咀喥有輕微爆炸既感覺, 而且黑魚籽醬獨有既鹹味, 令一回味及難忘~ 配埋蕃茄清新甜美同彈牙海蝦一齊食, 令味道及層次感大大提升, 這個小食大家一定要試試喔~
燈籠腸釀意大利腸肉 - 這款小食外型好別緻, 用大大塊既燈籠腸包著意大利腸肉, 再用一條小蔬菜打結, 入面除咗半肥瘦既肉粒, 仲用咗胡椒炒香, 食起上嚟好惹味~
巴馬腿水牛芝士多士 - 外層有少少鹹味既西多士, 煎至微微脆身, 而入面就放咗Parma Ham碎粒及半融化的mozzarella, 既有巴馬火腿鹹香味道, 加上芝士mozzarella軟滑細緻感覺, 仲有蛋味濃郁既西多士, 超好味呀~
巴馬臣芝士條配蜜糖 - 外型好像硬身薯條, 巴馬臣芝士條既芝士味道濃郁, 質地較乾身, 帶點鹹味, 咬落去既時候有D芝士碎, 配合清甜既蜜糖一齊食, 一鹹一甜味道重疊著, 令味道變得好得意~布里芝士配黑松醬 - 單單睇外表布里芝士有D似雞肉, 吃落口感軟軟綿綿, 有D似mozzarella, 但Brie芝士味道較濃, 配埋意大利黑松露醬獨有香味, 兩者係咀入面慢慢融合, 味道好搭~
莎樂美腸露筍卷 - 莎樂美腸既味道有D濃, 充滿鹹香味道, 而鮮露筍就可以中和莎樂美腸既鹹香味道, 亦都令露筍更鮮甜~
馬卡龍 - 馬卡龍外層鬆脆, 煙煙韌韌, 而且味道唔會太甜, 都好味~
除咗復活節tea set , Dabyida 仲有其化美食, 好似Brunch Buffet 等等, 價錢都幾化算, 下次可以試試~张贴
