組長日式放題 (已結業)

今日路過旺角，爸爸提出食放題，係某某商場樓下收到十幾張放題傳單，驚到走，之後去左遠少少既組長，價錢都比其他平，試下啦，兩小時148蚊位！一開始就叫刺身，款款都有叫，選擇都唔少，共有十款，包括，三文魚，吞拿魚，立魚，針魚，希靈魚，八爪魚，鮑魚片，馬刀貝，白鳥貝同埋甜蝦，三文魚新鮮但唔夠肥美，馬刀貝鮮甜鮑魚片同白鳥貝好濕，應該係處理得唔好，攪到好滑口。炸物方面，三文魚天婦羅，香蕉天婦羅同蕃薯天婦羅都做得好好，唔油又唔會炸到好乾，鐵板燒既牛肉就好硬，串燒都唔係好吸引，壽司款唔多，質素都唔好，帶子壽司，飯係熱既，帶子又無帶子味！落單既野黎左8成左右！