百樂門宴會廳 (已結業)

哈哈!　依篇係我係OPENRICE既第一篇食評! XP話說今日十一點係MEGA BOX睇戲, 睇戲前當然要醫下肚喇~ 男朋友一早就SEARCH定邊度有早荼飲, 抵讚!XD第一次去百樂門, 我地去到十點未夠, 大約有十零枱客, 地方原來都幾大呀~入到去啲姐姐仲問我地想坐入啲定近門口, 服務都唔錯呀!我地今日叫左六樣點心, 第一樣黎到既就係佢地同好多人既推介 - 雪山叉燒包其實佢同墨西哥包差唔多, 但佢既包就好鬆軟, 而入面啲餡同平時食既叉燒包係一樣, 不過我覺得啲餡可以再多啲. 整體來說係好食既!第二樣就係後面既蝦春卷, 個皮夠薄夠脆, 啲蝦都好彈牙~其他幾樣點心都比較大路, 試下佢啲基本野做得好唔好食嘛~鳳爪 - 個汁夠味, 正正常常, 唔錯!雞絲粉卷 - 普通, 冇咩驚喜燒賣 - 佢啲燒賣唔會似有啲酒樓, 落好多肥肉, 比較健康, 味道都好食!珍珠雞 - 我男友話要有啲米落肚先夠飽 ~.~ 但估唔到佢有驚喜, 佢入面既餡有蝦乾 (唔係蝦米, 蝦乾好食好多! ), 瑤柱, 仲有咸蛋!!! 個人認為食珍珠雞有咸蛋先好食!!! 出面好多都係得啲肉碎, 所以真係好有驚喜! 啲食物質素唔錯,