丼丼屋 (綠楊坊) (已結業)

下午要過港島，過去之前，路經地鐵站，去綠楊搵食，見呢度冇乜人等位，就揀呢間。lunch set menu，最平48蚊已經有一個豚肉飯，配一杯果茶，面鼓湯，沙律。見咁平，就叫一個試下，再加個黑咖哩牛肉飯，同埋滑蛋雞肉井。豚肉飯普普通，貪平而叫。黑咖哩牛飯，個汁唔錯，牛肉好夠腍。最驚喜係個滑蛋雞肉井，生熟剛好嘅蛋，配上一啖啖嘅飯，好滑，不過我略嫌雞肉太重炭燒味。總括，呢個價錢，坐得舒舒服服，算唔錯，又有果茶配送，唔洗成日都係飲檸茶咖啡檸水。