更多
2008-08-21
晚上同老婆試妝試到九點幾十點,同埋佢兩位朋友一行四人係尖沙咀搵飯野見到街度有人派傳單就走左上去.個門面真係好細唔易發現,但裡面裝修得認真唔錯,除左供人開飯既地方外,近窗位有部份係留黎比客人一路望街一路飲野用. 另有兩大個包廂比人攪聚會開party都得.由於時間已經比較夜食唔落太多,叫左三個主菜黎分.燒美國排骨伴薯條,我向來都唔喜歡點燒排骨,因為真係無咩肉食夾好難切,不過呢間既燒排骨做得好香好好食,值得比多少少心機去慢慢切黎食既鮮蟹肉蟹籽天使麵,蟹籽唔覺有幾多不過都無咩所謂因為似裝飾多d,味道真係一流,一食落口個感覺真係幾震撼.焗黑松露菌雜菜薄餅,黑松露我唔識欣賞,不過個薄餅整得幾脆,唔會太油或太軟,整得幾好,南瓜忌薕湯整得認真不錯,薄荷茶質素ok,服務都做得幾好四個人埋單八舊水,晚市以呢個質素黎講其實都唔係貴而且幾值得去食
見到街度有人派傳單就走左上去.
個門面真係好細唔易發現,但裡面裝修得認真唔錯,除左供人開飯既地方外,近窗位有部份係留黎比客人一路望街一路飲野用. 另有兩大個包廂比人攪聚會開party都得.
由於時間已經比較夜食唔落太多,叫左三個主菜黎分.
燒美國排骨伴薯條,我向來都唔喜歡點燒排骨,因為真係無咩肉食夾好難切,不過呢間既燒排骨做得好香好好食,值得比多少少心機去慢慢切黎食既
鮮蟹肉蟹籽天使麵,蟹籽唔覺有幾多不過都無咩所謂因為似裝飾多d,味道真係一流,一食落口個感覺真係幾震撼.
焗黑松露菌雜菜薄餅,黑松露我唔識欣賞,不過個薄餅整得幾脆,唔會太油或太軟,整得幾好,
南瓜忌薕湯整得認真不錯,薄荷茶質素ok,服務都做得幾好
四個人埋單八舊水,晚市以呢個質素黎講其實都唔係貴而且幾值得去食
张贴