鶴崎居酒屋 (已結業)

唔換身份証都唔知宏利大廈有間日本餐廳，環境裝修好吸引，做完身份證就嚟食晚餐。見到餐單涮涮鍋，好特別，成舊雲咁，原來係棉花糖 好得意，朋友話試吓，就叫一份安格斯小牛扒壽喜燒鍋，舊棉花糖一加熱就熔，湯底應該昆布豉油，加上熔化棉花糖，湯底帶甜味，小牛排輕輕係湯掉，就已經好好味，朋友就中意點生雞蛋食，都係好香牛味，值得一試😋跟住就叫帆立贝，甜蝦壽司🍣同三文魚刺身，都好新鮮，三文魚好肥美。之前去日本食過花魚一夜干，覺得好好食，咁次都特登叫一條試吓，雖然魚就細過日本，但味道一樣咁好味，煎皮脆肉嫰，日本口感番曬嚟，正😋😋真心講這間店食物，環境真係幾正，環境闊落，員工招待又好，價錢合理，就可能隱蔽左啲，下次都會再約朋友來食。😊