影片
更多
2018-07-15
100 浏览
最近同朋友、家人連連慶生。同朋友慶祝就多數韓燒、日式放題、打邊爐，同家人就傳統啲食中菜，或者東南亞菜。今日係細佬生日，諗都唔諗就話食自助餐，都好，梗有嘢啱食，唔駛煩～九龍維景酒店位於傳統住宅區何文田窩打老道，九龍中央圖書館附近，周圍環境就比較靜啲，但交通都幾方便，搭巴士門口就有得落，旺角東站行落嚟大約15分鐘。呢度嘅自助餐會定期推出唔同主題，今次係【海膽|鵝肝|燕窩自助晚餐】，每位客人都會有一份海膽。海膽雖然只係細細板，但味道鮮美冇異味，可以用紫菜夾嚟食。每份海膽配埋青瓜蟹籽沙律，食完海膽可以清吓味道繼續作戰。出去先巡視一吓先。刺身主要有三文魚、吞拿魚、北寄貝、希靈魚同鯛魚。擺晒喺度任攞唔駛等師傅配給，最搶眼係鯛魚，成條上，感覺更新鮮。食自助餐喪食蟹腳是常識吧。蟹腳勁新鮮仲有啲鹹味。除咗蟹腳仲有青口、帶子、小龍蝦。經常refill唔怕冇晒。熱盤方面選擇都唔少，攞咗一大碟炒蜆同螺返去慢慢嘆。重點係師傅即場烹調嗰part。有即煎嘅虎蝦、羊扒、鵝肝多士，即煎嘅鵝肝又熱又軟滑，多士其實係口感軟腍嘅麵包仔，入口容易。燕窩龍蝦濃湯，未飲以為係龍蝦湯其實係番茄湯，不過料又幾足嘅，真係有燕窩同龍蝦肉。
九龍維景酒店位於傳統住宅區何文田窩打老道，九龍中央圖書館附近，周圍環境就比較靜啲，但交通都幾方便，搭巴士門口就有得落，旺角東站行落嚟大約15分鐘。
呢度嘅自助餐會定期推出唔同主題，今次係【海膽|鵝肝|燕窩自助晚餐】，每位客人都會有一份海膽。海膽雖然只係細細板，但味道鮮美冇異味，可以用紫菜夾嚟食。每份海膽配埋青瓜蟹籽沙律，食完海膽可以清吓味道繼續作戰。
出去先巡視一吓先。刺身主要有三文魚、吞拿魚、北寄貝、希靈魚同鯛魚。擺晒喺度任攞唔駛等師傅配給，最搶眼係鯛魚，成條上，感覺更新鮮。
食自助餐喪食蟹腳是常識吧。蟹腳勁新鮮仲有啲鹹味。除咗蟹腳仲有青口、帶子、小龍蝦。經常refill唔怕冇晒。
熱盤方面選擇都唔少，攞咗一大碟炒蜆同螺返去慢慢嘆。
重點係師傅即場烹調嗰part。有即煎嘅虎蝦、羊扒、鵝肝多士，即煎嘅鵝肝又熱又軟滑，多士其實係口感軟腍嘅麵包仔，入口容易。
燕窩龍蝦濃湯，未飲以為係龍蝦湯其實係番茄湯，不過料又幾足嘅，真係有燕窩同龍蝦肉。
老豆最鍾意食燒牛仔肉，見師傅切嗰陣有少少血水滲出，生熟程度啱啱好，配燒汁更加juicy，肉味十足，正！
甜品種類亦唔少，Mövenpick雪糕杯任攞，亦有Chocolate fountain、細細杯小甜品。中式甜品有燉燕窩雙皮奶。
整體嚟講食物水準相當不錯，當晚亦唔多同胞在場，食都食得輕鬆啲唔駛爭。上openrice仲有優惠券，成人$378，長者$328，CP值高，家人都覺得幾滿意。
张贴
