Cobo House (已結業)

返母校攞完野，落地鐵站之前發現附近有呢間成個玻璃屋咁樣嘅餐廳。出嚟做嘢，時不時都要對自己好啲，先至捱到落去。今次出咗糧，就決定請自己食個貴啲嘅lunch啦。1點去到發現室內室外都幾full喎，原來依家西環啲人都幾富貴哈哈。我見餐牌都有健康嘅選擇，我就揀咗沙律配雞肉同埋牛肉啦。點知落左單之後一路等咗半個鐘先上菜，大佬我趕住返公司做嘢架。最尾食咗10分鐘左右就急急腳搭地鐵返公司，都冇好好咁嘆個環境。下次一定要叫埋朋友嚟一齊坐一個下晝傾吓計先。