千秋樂 (已結業)

同朋友揀呢度午餐, 幾個人柴娃娃咁上去, 大路的日式裝修, 暗暗地都唔錯. 但想講少少佢地的服務...因我地成六個人, 只得一份午市定食的menu, 於是叫個黑衫的男士(經理?)俾多份我地, 點知佢就淨係俾左散叫的menu, 唉, 都算啦, 咪輪住睇囉... 期間因有個出風口對正我地張檯, 於是我地咪嘗試將出風口的木條稍微郁一郁, 我覺得正常在呢個情況下, 侍應應主動出手幫助, 但我只見到佢地企我附近睇我地整... 到落單時, 有朋友問壽司定食有咩, 個侍應居然答: 咪你平時食開果D囉... ? 到D定食上場, 賣相唔會令人"嘩嘩", 但份量真係幾足, 女士們未必食得晒. 見其他人對各自的定食都無咩特別意見. 而我自己的雜錦魚生飯都只係一般. 大約共六七款魚生, 每款一片放在飯面, 可能D飯熱左D, 同埋魚生一齊食感覺好怪, 而且D飯淋左D, 無晒口感, 魚生亦係麻麻, 結果食剩半碗飯 定食仲包有一小碗沙律同蜆肉麵豉湯. 沙律醬的份量唔算少, 但唔知點解食唔出有沙律醬的味道... 碗湯係粉開的, 失望...埋單每人唔過五十蚊, 以價錢及份量來講都可以. 但若加埋服務質素就只