影片
更多
2018-10-20
161 浏览
聽講咗呢間大坑平民美食好平好好食，喺銅鑼灣閒閒地食餐飯都一舊水，當然要物色下又平又好食既好西啦😋今次行入少少去到大坑試呢間叫兩草，顧名思義兩草野搞得掂一餐啦，當然佢嘅價錢真心平民，一碗飯都係$30，絕對係窮人之選！佢既裝修格調同風格都好似附近嗰間大坑豬扒店 。嗌咗碗香煎脆皮蛋肉餅飯🥢，應該係成間鋪頭唯一一樣好食嘅食物🤔。肉餅加雞蛋加豉油呢個撈飯配搭本身係無敵，加上去嘅豉油汁都好好食，呢個價錢性價比無得輸。之後落嚟會講啲麻麻地或者唔好食嘅嘢。滑蛋叉燒飯🥢既雞蛋炒得滑，但叉燒完全冇燒過嘅味道，真心同正常人屋企自己煮既味道相差不大，可以唔試。胡椒肉骨茶🥢不過不失，但冇乜藥材味，可以一試。蛋炒豬腸粉🥢腸粉滑既，但係well，啲蛋去咗邊？應該淨係落咗幾百萬分之一既雞蛋落去，零蛋味，可以唔試。香煎魚餅🥢味道普通，肉質偏乾而鞋，可以唔試。班蘭咖央多士🥢凍既，好彩都仲脆。但班蘭味呢係食唔出既而且份量都好細，可食可唔食啦。總括來講，除咗肉餅飯有中上水準外，其他食物只有中下水準。⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）香煎脆皮蛋肉餅飯 $30滑蛋叉燒飯 $30胡椒肉骨茶 $35蛋炒豬
今次行入少少去到大坑試呢間叫兩草，顧名思義兩草野搞得掂一餐啦，當然佢嘅價錢真心平民，一碗飯都係$30，絕對係窮人之選！佢既裝修格調同風格都好似附近嗰間大坑豬扒店 。
嗌咗碗香煎脆皮蛋肉餅飯🥢，應該係成間鋪頭唯一一樣好食嘅食物🤔。肉餅加雞蛋加豉油呢個撈飯配搭本身係無敵，加上去嘅豉油汁都好好食，呢個價錢性價比無得輸。
之後落嚟會講啲麻麻地或者唔好食嘅嘢。
滑蛋叉燒飯🥢既雞蛋炒得滑，但叉燒完全冇燒過嘅味道，真心同正常人屋企自己煮既味道相差不大，可以唔試。
胡椒肉骨茶🥢不過不失，但冇乜藥材味，可以一試。
蛋炒豬腸粉🥢腸粉滑既，但係well，啲蛋去咗邊？應該淨係落咗幾百萬分之一既雞蛋落去，零蛋味，可以唔試。
香煎魚餅🥢味道普通，肉質偏乾而鞋，可以唔試。
班蘭咖央多士🥢凍既，好彩都仲脆。但班蘭味呢係食唔出既而且份量都好細，可食可唔食啦。
總括來講，除咗肉餅飯有中上水準外，其他食物只有中下水準。
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
💡是日嗌咗： （免加一）
香煎脆皮蛋肉餅飯 $30
滑蛋叉燒飯 $30
胡椒肉骨茶 $35
蛋炒豬腸粉 $20
香煎魚餅 $20
班蘭咖央多士 $20
💡餐廳資料：
兩草 (銅鑼灣)
銅鑼灣銅鑼灣道126號
@foodie.nomoney
张贴
