影片
更多
2013-05-31
5537 浏览
見有8折coupon, 唔使$100 就有2.5 hrs lunch buffet 食 都幾抵, 於是就黎呢度試下~ 最後好彩都冇後悔, 仲想去多次 tim ^^~熱食: 咖哩牛腩 大嚿嗰d 就硬左d, 炆得唔夠腍... 但細嚿嗰d 就炆得好腍 好好味~ 西京炆豚肉都幾好味~ 日式金蠔蒸蛋 同上次 tea buffet 食既1樣 d 蛋都係蒸得好滑 & 好味, 不過今次入面係1片獅子狗 & 1隻蠔肉~ 冇燒牛肉, 不過有香草豬柳配燒汁, 味道都唔錯~ 木魚湯大根浸肥牛 肥牛不嬲都好味~ 菜遠牛肉d 牛肉好彈牙 好好味~ 另外仲有 蝦米梅菜蒸飯, 菜肉包, 蕃薯, 茄子, 皮蛋瘦肉粥, 自選生滾粥等~ 有2款湯, 中湯係西洋菜湯, 西湯係德國青豆湯, 第1次飲, 青豆味真係好重, 上面有d 肉腸粒, 整體味道都好味~ 冷盤: 有生蠔, 但冇食~ 1黎對生蠔冇乜興趣, 2黎 d 生蠔1出就俾人搶晒, 咁就無論同人爭啦~ 蟹籽沙律超爆好好味呀!!! 其實d 精華所在係d 沙律醬^^"~ 煙鴨胸好味~ 凍肉麻麻.. 三文魚壽司 d 三文魚太薄 又唔肥美鮮甜... 合埋眼食完都唔會知係三文魚..
熱食: 咖哩牛腩 大嚿嗰d 就硬左d, 炆得唔夠腍... 但細嚿嗰d 就炆得好腍 好好味~ 西京炆豚肉都幾好味~ 日式金蠔蒸蛋 同上次 tea buffet 食既1樣 d 蛋都係蒸得好滑 & 好味, 不過今次入面係1片獅子狗 & 1隻蠔肉~ 冇燒牛肉, 不過有香草豬柳配燒汁, 味道都唔錯~ 木魚湯大根浸肥牛 肥牛不嬲都好味~ 菜遠牛肉d 牛肉好彈牙 好好味~ 另外仲有 蝦米梅菜蒸飯, 菜肉包, 蕃薯, 茄子, 皮蛋瘦肉粥, 自選生滾粥等~ 有2款湯, 中湯係西洋菜湯, 西湯係德國青豆湯, 第1次飲, 青豆味真係好重, 上面有d 肉腸粒, 整體味道都好味~
冷盤: 有生蠔, 但冇食~ 1黎對生蠔冇乜興趣, 2黎 d 生蠔1出就俾人搶晒, 咁就無論同人爭啦~ 蟹籽沙律超爆好好味呀!!! 其實d 精華所在係d 沙律醬^^"~ 煙鴨胸好味~ 凍肉麻麻.. 三文魚壽司 d 三文魚太薄 又唔肥美鮮甜... 合埋眼食完都唔會知係三文魚... 中華沙律好好味~ 另外仲有自選沙律, 冷麵, 蕃茄沙律, 雜果沙律, 凍蓮藕, 魚餅等~
甜品: 為左New York Cheese Cake 而黎既我, 好彩冇失望而回^^~ 個cheese cake 聞落冇乜芝士味, 但係食落就芝士味勁濃郁, 好似成個cake 都係芝士, 1 d 粉都冇落咁~~ 真係超爆正正正, 食極都唔夠喉!!! (不過聽到有人話覺得好漏, 各人唔同口味啦~) 焦糖布甸都好好味, 好香甜~ 而檸檬吉士撻味道都唔錯~ chocolate mousse 就麻麻..~ 朱古力味卷蛋好味~ 今次糖水只得楊枝甘露, 味道怪怪地咁.. 其他甜品仲有大菜糕, 啫哩, 鮮果海綿蛋糕, 雜果Pancake, 朱古力噴泉, 雀巢雪糕等~
其他: 有1大籃餐包; 水果有西瓜, 哈密瓜, 菠蘿(鮮甜多汁~); 飲品方面有好多唔同種類既咖啡&鮮奶~整體而言, 雖然食物款式唔算多(尤其是熱食), 不過味道都ok 既(特別係我既至愛 New York Cheese Cake 真係正到不得了>v< !!!!!) 服務方面, 執碟夠快, 不過refill 野食 就慢(但都好過唔refill)... 以呢個價錢 食到呢個質素都唔錯既lunch buffet, 真係好抵~ 好想再黎食多次 ^^~
张贴
