原點 (已結業)

元朗嘅店舖變化都幾大，呢間甜品店新開不久，但一到甜品時間就全院滿座，仲要排隊等候，見價錢又唔算好貴，就同另一半食完飯之後入咗去食甜品。環境店舖以白色為主調，同一般甜品店一樣，座位與座位之間較逼。餐牌 除咗甜品，都有小食供應，不過我哋已經食飽晚飯先嚟，就只吃甜品。百利甜酒麻糬窩夫 $58 可配一球雪糕，揀咗薄荷朱古力味。好少見窩夫會配百利甜酒，所以就試呢款，窩夫亦可以揀味道，有朱古力、原味或綠茶，要咗朱古力。上枱嘅時候望落似普通朱古力醬窩夫，但一食落去，果真有百利甜酒嘅味道，配朱古力窩夫都幾夾，裏面仲有麻薯，增加煙韌口感。抹茶水果心太軟 $52 窩夫試咗朱古力，所以心太軟就揀抹茶，可以揀配水果或紅豆，想中和返膩嘅口感就揀咗水果，同樣配一球雪糕，就揀咗是日精選係草莓味。抹茶味十分突出，會回甘，澀度適中，流心十足，不錯。總括而言，下次如果未食飽，嚟到可以食啲小食再食甜品都冇問題。