大門食堂 (將軍澳廣場)

营业中

休息中

前幾日同左個朋友約左食飯，因為佢住係將軍澳個邊，我地去左Aeon到行，見到有一間大門食堂，有拉麵又有沾麵食，所以就揀左食呢間餐廳，餐廳都算幾多人，我地到左一陣就安排到我地坐吧檯位，之後就開始揀嘢食。我叫左一個大門拉麵，而我朋友就叫左一個大門沾麵，我地再加左兩個小食，叫左一個煎餃子，同埋忌廉薯餅。首先講下我食個個大門拉麵先，個湯都ok，夠香濃，又不會過鹹，而且麵又彈牙，唔會太淋，湯配料都幾多，有叉燒、紫菜、筍、蔥，叉燒有燒過，而且都厚切和大塊的。而朋友的沾麵拉麵底都係一樣，而且都好大碗，沾的湯汁都好濃郁，但又不會因此變得好鹹，味道適中，在湯汁入面的叉燒雖然浸了在湯入面，個同樣都有煎過，有花不少心思。煎餃的皮好夠薄，唔會話食左好厚的皮的感覺，一咬就入口啖啖料，而且餡料都多，28蚊有5隻都叫幾超值。忌廉薯餅外皮會香脆，係吉烈豬扒的外皮，薯蓉加左忌廉變得更香滑。