美中·鴨子 (將軍澳中心)

营业中

休息中

次次係海港城見到美中鴨子總係逼滿人，所以一直好想試吓到底係咪咁好食。雖然我明白唔應該成日幫襯大集團，應該試吓啲小店，但無可否認美心集團嘅餐廳食物質素有保證，而且性價比高。好幾個朋友知我會去都同我講唔好食，北京樓好食啲，但係我唔會將佢地比較，因為美中鴨子平好多，冇可能要求北京樓嘅質素。我自己對佢嘅食物係滿意嘅，甚至比想像中好，所以要幫佢平反下。清炒萵筍絲$98萵荀係我最鍾意食嘅蔬菜之一，炒得爽脆清甜，唔會太油膩牛肉餡餅$36餅皮略嫌油膩，牛肉餡肉味濃郁雲吞鴨湯$50將雲吞雞湯換左做鴨，個湯好似雞湯，應該冇乜味精北京填鴨$298片皮鴨同平時食嘅有啲唔同，將皮同肉中間嘅脂肪片走，將鴨肉放底上面舖滿燒香左嘅鴨皮，配以青瓜，香葱同約二十塊餅皮。特登叫店員留低蒸籠蓋，令餅皮可以保溫。整體來講，絕對係抵食，可以滿足想食片皮鴨嘅欲望。桂花拉糕$48有驚喜嘅甜品，唔會太甜，口感似年糕，中間有微微桂花香，好煙韌，啱我口味。