上勝日本料理 (億利工業中心) (已結業)

同朋友難得聚舊就當然一齊去食好野啦，朋友帶我黎到佢經常黎幫襯嘅日本料理餐廳 — 上勝日本料理，門口位置好有去左日本橫街小店嘅感覺，朋友向我介紹上勝嘅魚生飯係新鮮好食得黎價格親民，食過之後發現上勝出品真係有心思！親子四彩刺身丼 ＄78 刺身厚切，刺身丼入面食材包括三文魚、油甘魚、帶子、三文魚子、玉子和蟹子，材料新鮮，還有一啲青瓜紫薑作配料，整個魚生飯好足料份量絕無戲場。而且魚生鮮甜新鮮，最鍾意上勝嘅油甘魚，鮮嫩滿滿魚油香。再加上，最有心思嘅地方係，上勝嘅飯係用赤醋拌製嘅，用上嘅赤醋比較熟成，所以飯嘅顏色較深而且唔會過酸。一百蚊都唔使有呢個份量同埋質素，一定會再黎食！朋友就叫左 角切雜錦魚生丼 ＄60，魚生粒粒都切到好大粒，份量真係好足！