美談韓國 (已搬遷) 新店位置

偶爾於openrice 搵到一間位於東涌的韓國燒烤店，聽聞老闆仲係韓國人，一行11人（包括一個BB)就膽粗粗去試一試，我地分別點左兩份辣醬豬肉，普通鷄肉同牛肉。另外，仲叫左炒年糕，粉絲，燒鯖魚，泡菜薄餅，韓國炸醬面。食物都可以，尤其辣醬豬肉同泡菜薄餅值得推介，其他食材就無乜特別，開頭以為有韓國炸雞，點知原來係無的，有些小失望，不過，服務人員態度好好同環境都好舒適，埋單每位大概150左右，所以相比市區嘅韓國店黎講已經不錯。如果可以有多啲辣嘅食材就更好了。