宜家家居美食站

营业中

休息中

朝頭早去飲茶，飲到12點，下晝去到銅鑼灣，食飯又唔係，唔食又有小小肚餓，咁點？咁唯有食小食喇，可惜銅鑼灣小食選擇不多，去宜家就平靚正。今次叫咗熱狗、汽水同香草黑糖雞翼。熱狗$6隻真係好抵食，有長長嘅腸仔同任加嘅茄汁同芥醬，熱狗連無限添飲嘅百事都只係$10，大熱天時入去食真係一大享受。今次再加小弟第一次食嘅香草黑糖雞翼，$9三隻，雖然三隻細細隻但味道唔錯，甜甜地。食咗三樣野都只係$19，喺銅鑼灣算係好抵，如果唔係有啲飽可能會食埋個肉丸！