廉記冰室 (春園街) (已結業)

位於灣仔嘅春園街不嬲都有好多唔同嘅食肆，而且有好多都係好平好抵食。餐牌選擇都算幾多，不過去到夜晚主要都係食晚市套餐或者happy hour套餐。香燒嫩羊架2支骨 +酸菜及薯仔＄138羊架估唔到都幾香，羊味十足，但係唔會好重嘅so味。肉質比較鮮嫩，加埋有超級多酸菜和薯條，令到整體更加豐富，贈送嘅係大支裝藍妹啤酒🍻西冷牛扒黑椒汁$78估唔到意粉賣晒，咁唯有選擇飯，牛扒黑椒汁口感鬆化黑椒味濃郁。以中式餐廳來講都算幾抵。呢個牛扒係晚餐，所以有一個前菜嘅湯係周打蜆湯，裏面食到好多肉碎比較似豬肉，仲有蘿蔔等等，所以好豐富。增送飲品我哋就加錢轉紅豆冰，紅豆冰都做得唔錯，啲紅豆煲得非常之稔。仲有個芒果布甸甜品係包埋，有好濃郁嘅芒果味，真心唔錯，估唔到70幾蚊可以有咁多嘢食。