僕之拉麵 (已結業)

僕之拉麵嘅肉愛食者拉麵賣相非常吸睛，叉燒份量可以用誇張去形容，打卡一流！近期已經見到唔少人去朝聖，仲有飲食媒體報導！見到紅色門牌、紅燈籠、木屏風就到喇。仲有阿童木、面譜公仔做記認，日本風十足！店舖雖然唔算大，但桌椅盡量保持距離，入面仲有好多掛畫，營造東瀛風！六點幾到達拉麵店，諗住避開人流，好彩仲有兩張枱係空嘅，唔使等位！一心衝着肉愛食者拉麵嚟，另外仲想試吓海老愛食姐拉麵，但係原來係期間限定，每日只提供15碗，早早已經賣晒！➺➺➺肉愛食者拉麵$120「真人」 同上鏡一樣咁靚仔！叉燒有秩序咁圍住碗邊擺放得整整齊齊，好治癒！一上枱第一個感覺就係：嘩！點食得晒呀！？有七大塊叉燒，喺一般拉麵嘅三倍份量！叉燒邊燒過，熟度剛好，食落軟稔！糖心蛋嘅糖心晶瑩剔透！湯底揀咗濃湯，比一般豬骨湯味道濃啲又杰啲！➺➺➺特選拉麵$135最唔同嘅係上面多咗條好似鰻魚咁長嘅火炙叉燒，有啲脂肪，但肥瘦比例均勻，食落先唔會乾爭爭！加上叉燒本身塗上醬油再燒，夠味又夠香！➺➺➺炸章魚丸$30/6粒比一般小丸子食落結實啲，有口感啲，可能係炸過嘅關係，放耐咗少少先食都唔覺得淋！上面有好多鰹魚花同紫菜條，正！➺➺➺無糖可樂$10七