kitchen J (已結業)

今次難得同一班為食朋友吹水聚舊，搵左間坐得舒服既地方食。黃埔真係無咩特別野食，但見到呢間個名幾特別就去試下啦!入到去裡面環境都幾靚，坐得都幾舒服，7點幾唔算太多人。先黎個頭盤沙律，沙律菜好新鮮，蟹肉都鮮甜，係份量唔算多。我同另一個朋友叫左奶凍沙冰，杯抹茶沙冰好香綠茶味同幾滑，唔算太甜幾好飲。但朋友杯雜莓沙冰個賣相好似仲好飲過我個杯!之後黎左明太子魷魚意粉，用料都幾新鮮同埋個味都調得幾好食，唔錯!叫左呢個出邊好少有得食既照燒汁雞pizza，比想像中好食，唔係脆餅底岩曬我 XD再黎左個焗飯，呢個飯真係推介，蠔同帶子焗得岩岩好唔會過熟，而且飯底個鮮茄汁令到d芝士食落無咁濟，撈埋一齊食勁正。仲有叫左個芝士脆片野菌意粉，賣相睇落唔錯! 個芝士脆片好濃芝士味配埋無咁重味既野菌整體唔會太濃味。終於到甜品啦，準備左第二個胃食 xP先黎係呢個三隻杯既甜品拼盤，其實即係黑朱古力mousse、芒果奶凍同Tiramisu，個present 幾得意細細杯同埋味道都唔錯呀!之後就係黑白朱古力波，之前見人地youtube 淋熱朱古力見得多依家終於親眼見到! 個白朱古力溶入左裡面有vanilla雪糕同stawberr