雪吧餐廳 (已結業)

英超重新開鑼，梗係要約埋朋友落酒吧睇波啦，今次就去咗尖沙咀河內道地庫嘅一間酒吧，呢度環境唔錯，人又唔算多，係呢啲高危時間，揀啲人少少嘅地方就最啱㗎啦。睇波又點少得飲酒同食野呢，所以我哋喺酒吧都叫咗啲酒同小食，一路睇一路嘆。豬頸肉坦白講豬頸肉係一樣比較難失手嘅菜式，唔會煮得過火，但呢度個醬汁就真係非常之出色，有泰式嘅風味，有少少辣，非常惹味！串燒都幾香口小食拼盤都幾豐富，有四款食物，每款有三件，我自己最鍾意就係炸蝦餅。