茶聊 (已結業)

其實想黎茶聊好耐啦，因為見佢裝修好似幾靚，野食精美，所以bookmark 左好耐，今日終於有機會黎試個下午茶。一入門口就見到店面有個好精緻既入口，一定唔會搞錯😂呢個亦係打卡熱點。因為訂左枱所以唔洗等就入得了，下午茶時段其實個場都full, 果然係熱門餐廳。我地坐左係餐廳近入面既位置，而嗌野食係需要自己出去收銀嗌的，呢點要注意。由於我同友人都唔算太餓，就叫左兩款野食，兩杯野飲。友人叫左個鮮茄帆立貝意大利飯雖然賣相差左d, 但味道原來唔差，茄汁幾濃，加上意大利飯容易入口，但建議需要熱食。龍蝦蟹肉包配薯角外相睇落已經好吸引，食落口非常有口感，炸蝦脆，加上擺係面的蟹肉非常豐厚，面包軟而不會太厚，推薦。唯一缺點係價錢有d 貴。水果茶入面有幾款水果，更有匙羹提供俾你食入面d 水果😂最後惠顧滿$200 送一份梳乎厘，算有誠意👍🏼👍🏼