添飲咖啡館 (已結業)

總評： 主打農村直送新鮮蔬果。價錢中上。適合放空，傾密偈。不宜飽餐。環境一流，早上無乜人，一室陽光，每枱都擺有鮮花，很舒服。早上只有4款brunch選擇。我們選了全餐和羊奶芝士奄列餐。價錢不包餐飲，不收加一。 只收現金。自助式所以冇服務。全餐正常水準，有薯角煙三文魚豬肉腸墨汁包炒蛋，算豐富。沙律調味不錯，嚐到點點蜜糖味，菜也新鮮爽口。奄列的蛋煎得不香，口感異常嚡口，夾心的羊奶芝士冇乜味，配搭奄列沒什麼驚為天人的化學作用。伴碟的沙律倒是不錯，番茄仔非常清甜。餐廳有D空運水果擺賣，日本蜜瓜同桃，金奇異果等。有點odd。食客會食完野順便買埋生果？ 定係想邊用邊賣，增加去貨量？好費解。得意的是我在佢地個menu發現左隻蚊的標本😂，餐廳位置多蚊也許在所難免，不會聯想到衞生問題，但最好可免則免啦 。呢度喺經營上面都算用心嘅，所以我都同佢哋反映我對佢哋食物嘅意見。希望佢哋有改善啦。期待試佢哋嘅午餐, 咖啡同蛋糕。