White Button Cafe & Dessert (已結業)

尖沙咀亞士厘道好多樓上餐廳，好多唔同類型嘅菜式都有，今次就揀左呢間傻豹cafe。呢度好得意，有個打卡位可以比人影相，仲有隻傻豹駐場大。脆皮檸檬香草煎三文魚，鐵板熱辣辣，魚皮煎得好脆！三文魚好鮮嫩，配薯菜！另一份主菜迷迭香西冷牛扒，都係鐵板黎，牛扒好濃牛肉味，幾嫩口，唔錯。本身甜品好想食梳乎厘奄列，但老闆話岩岩賣哂。唯有下次先啦... 不過冇食到梳乎厘奄列，反而有驚喜！玫瑰花蜜千層蛋糕，千層蛋糕做到好薄，入口即溶！好好味！仲叫左朱古力味！黑糖蘋果肉桂茶，黑糖味好濃，不錯。